Disa ditë më parë, Gazeta Sinjali raportoi për një rast të dhunës në familje, ku një person dyshohej se kishte rrahur bashkëshorten e tij në fshatin Kushnin të Hasit në Prizren. I dyshuari menjëherë pas kryerjes së veprës ishte larguar në drejtim të panjohur dhe i njëjti ishte shpallur në kërkim policor.
Burimet e Gazetës Sinjali brenda Prokurorisë kanë bërë me dije se mërgimtari nga Austria që dyshohet për dhunë në familje është arrestuar gjatë ditës së djeshme.
Pas arrestimit ai është shoqëruar në stacion policor dhe është intervistuar lidhur me rastin.
Me urdhër të prokurorit, ndaj tij është iniciuar rasti për tri veprat penale ‘Dhunë në familje’, ‘Lëndim i lehtë trupor’ dhe ‘Mbajtje në pronësi, kontroll ose posedim të paautorizuar të armëve’.
Detajet lidhur me rastin mund t’i gjeni në linkun e mëposhtëm.
