Në fshatin Vlashnje të Prizrenit, një person është arrestuar pasi ka goditur me motoçikletë një zyrtar policor. Si pasojë e incidentit, polici ka pësuar lëndime dhe ka marrë trajtim mjekësor, shkruan 04 Online.
Pas ndalimit, i dyshuari është dërguar në mbajtje me vendim të prokurorit, ndërsa rasti po hetohet nga autoritetet përkatëse.
“Fsh. Vlashnje, Prizren 17.02.2025-11:26. Është arrestuar i dyshuari mashkull kosovar, pasi që me motoçikletë ka goditur zyrtarin policor. Zyrtari ka pranuar tretman mjekësor. Me vendim të prokurorit i dyshuari është dërguar në mbajtje.”, thuhet në raportin e Policisë së Kosovës./04 Online
