Një rast i dyshuar i shitblerjes dhe posedimit të narkotikëve është zbuluar mbrëmjen e së premtes në Prizren, ku një person ka përfunduar i arrestuar pas një kontrolli policor.
Burimet bëjnë të ditur se më 16.01.2026, rreth orës 21:30, njësia e DHTN-së në Prizren ka ndaluar për kontroll një person në rrugën “Zanat”.
Gjatë kontrollit trupor, te i dyshuari janë gjetur gjashtë qese plastike me substancë të dyshuar narkotike të llojit marihuanë, me peshë totale prej 4.96 gram.
I dyshuari, është arrestuar dhe është shoqëruar në zyrat e DHTN-së në Prizren për procedurat e mëtutjeshme.
Pas intervistimit, me aktvendim të Prokurorit të Shtetit në Prizren, ndaj tij është caktuar masa e ndalimit policor deri në 48 orë.
Rasti është iniciuar si: “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, ndërsa hetimet janë në vazhdim./Gazeta Sinjali/
