Policia ka thënë se sot janë njoftuar se një 22 vjeçar derisa ishte në një restorant në Prizren, në xhepin e xhaketës është duke mbajtur një mjet që dyshohet se ishte granatë dore.
Njësitet e policisë kanë dalë në vendin e ngjarjet dhe kanë arrestuar të dyshuarin, ndërsa mjeti i dyshuar është siguruar.
Për rastin është informuar edhe FSK.
Kështu tha për Express zëdhënësi i Policisë për rajonin e Prizrenit, Shaqir Bytyqi.
“Me datën 04.12.2024 rreth orës 15:35 kemi marre informatën nga qendra komunikues se një dyshuari (mashkull /Shqiptar 22 vjeçar) ndodhet ne një restaurant në qendër në Prizren dhe ne gjepin e xhaketës mbanë një mjet të dyshuar, që dyshohet të jetë granat dore. Patrulla policore menjëherë ju ka përgjigj rastit dhe ka arrit te arrestoj të dyshuarin dhe mjetin e dyshuar ta siguroj, në vendin e ngjarjes kanë dale të gjitha njësitet përkatëse policore të cilët i kanë ndërmarrë te gjitha veprimet e nevojshme. Lidhur me rastin janë informuar hetuesit Rajonal si dhe prokurori kujdestar, me urdhër të të cilit iniciohet rasti, gjithashtu është informuar edhe FSK-së”, tha Bytyqi.
