Një person i dyshuar është arrestuar në fshatin Vraniq të Suharekës pasi dyshohet se ka shtënë me armë zjarri gjatë një ahengu familjar, shkruan 04 Online.
Pas intervenimit të policisë, në vendin e ngjarjes janë gjetur dhe sekuestruar një armë zjarri dhe 21 gëzhoja.
“Fsh. Vraniq, Suharekë 08.01.2025, 10:48. Është arrestuar i dyshuari mashkull kosovar pasi që i njëjti dyshohet se kishte shtënë me armë zjarri në një aheng familjar. Në vendin e ngjarjes janë gjetur dhe sekuestruar një armë si dhe 21 gëzhoja. Me vendim të prokurorit pas intervistimit i dyshuari është dërguar në mbajtje. “, thuhet në raportin e Policisë së Kosovës./04 Online
