Arlinda Krasniqi, mësimdhënëse dhe kandidate e LDK-së për Kuvendin e Prizrenit, premton angazhim për transparencë, arsim cilësor, barazi dhe zhvillim të qëndrueshëm, shkruan 04 Online.
E lindur më 25 mars 1985 në Prizren, ajo thotë se përkushtimin dhe korrektësinë e dëshmuar në arsim do t’i bartë edhe në shërbim të komunitetit.
Kush është Arlinda Krasniqi?
Arlinda Krasniqi ka lindur më 25 mars 1985. Shkollimin e lartë e ka përfunduar në Prizren, ku kreu studimet universitare dhe u përgatit profesionalisht për fushën e arsimit.
Që nga përfundimi i studimeve, ajo i është përkushtuar profesionit të mësimdhënëses, duke dhënë kontribut të çmuar në edukimin dhe formimin e brezave të rinj.
E njohur për përkushtimin, korrektësinë dhe dashurinë ndaj punës, Arlinda synont ë bartë këto vlera edhe në fushën e shoqërisë dhe politikës.
Si kandidate për Asamble, ajo synon të jetë zëri i qytetarëve, duke promovuar transparencën, arsimin cilësor, barazinë dhe zhvillimin e qëndrueshëm të komunitetit.
