Vinicius Jr e ka shprehur hapur dashurinë që e ndien për Real Madridin.
Sulmuesi brazilian, i intervistuar pas fitores 5:1 ndaj Salzburgut në Ligën e Kampionëve, i ka komentuar edhe zërat që e dërgojnë drejt Arabisë Saudite për një shifër stratosferike.
“E ardhmja ime? Në Real Madrid”, deklaroi fillimisht përfaqësuesi brazilian, përcjell “Gazeta Express”.
“I kam shënuar 101 gola me klubin e ëndrrave të mia. Kam ardhur këtu si fëmijë dhe të arrij të hyj në histori të këtij klubi më bën personin më të lumtur në botë. I falënderoj të gjithë shokët e mi të skuadrës që më kanë ndihmuar që ta arrij këtë shifër. Hala Madrid”, shtoi futbollisti më i mirë në botë, i zgjedhur muajin e kaluar nga FIFA./Express
