Skuadra e Real Madridit pësoi një tjetër humbje në Champions League, ku mbrëmë midis “Santiago Bernabeu” u mposht nga Milani me rezultatin 1:3.
Carlo Ancelotti pas ndeshjes u shfaq tejet i shqetësuar me mbrojtjen e ekipit të tij, shkruan Indeksonline
Trajneri italian tha se skuadra e tij nuk di se si të mbrohet.
“Kemi pasur shumë raste. Na mungonte saktësia, mund të shënonim më shumë gola. Por, ky nuk është problemi.
“Ne nuk mbrohemi mirë. Duhet të jemi më kompakt. Na mungon soliditeti”, u shpreh Carlo Ancelotti
Kujtojmë që Real Madridi në formatin e ri të UEFA Champions League ka pësuar dy humbje, ndaj Lille dhe Milanit.
