Ambasadori i Gjermanisë në Kosovë, Rainer Rudolph, në një intervistë për RTK ka folur edhe për temën e Asociacionit të Komunave me Shumicë Serbe.
Ai ka thënë se është folur për shumë vite për këtë temë dhe ka sqaruar se Gjermania ia ka bërë me dije Kurtit se do ta vlerësonin shumë në rast se Kosova do të ndërmarrë ndonjë hap pozitiv drejt themelimit të Asociacionit.
“Ideja e Asociacionit është pjesë e dialogut për shumë vite. Ne i kemi thënë qeverisë së Kosovës se do ta çmonim shumë nëse do të ketë ndonjë sinjal pozitiv në drejtim të themelimit të Asociacionit”, ka thënë Rudolph.
