Ambasadori amerikan në Kosovë, Jeffrey Hovenier, ka thënë se Shtetet e Bashkuara të Amerikës kanë për synim që vendet e Ballkanit Perëndimor të mos mbesin jashtë Evropës.
Ai në hapjen e samitit të Ballkanit Perëndimor “The Western Balkans Summit 2022”, organizim ky i “The Economist”, në bashkëpunim me Zyrën e Kryeministrit të Kosovës, shtoi se qëllimi strategjik i SHBA-së është që në vendet e rajonit dhe më gjerë të mbizotërojë paqja.
Sipas tij, lufta në Ukrainë është dëshmi e tentimit për destabilizim të shteteve në mbarë botën, duke shtuar se duan që dialogu të përfundojë dhe që Kosova të jetë pjesë e NATO-s.
“Kjo administratë ka përgatitur një ekip dhe u jep vëmendje një varg çështjesh. Ne dëshirojnë që punojmë bashkërisht dhe kemi pasur vizionin për të pasur një Evropë të pastër, siç e ka thënë Bushi i vjetër. Prioritet tona janë për një rajon për paqe dhe prosperitet dhe e them diçka që e ka ritheksuar se sulmi brutal i Rusisë në Ukrainë është dëshmi e tentimit për ta destabilizuar botën, pra prioriteti ynë është që të mbështeten integrimet e vendeve të Ballkanit në Evropë.
Ne mbështesim nismat për aq kohë që vendet marrin pjesë barabar. Ne tërë rajonin kemi plot programe dhe japim para, këtu në Kosovë kemi tri qëllime strategjike. Ambasada jonë nuk dëshiron të humbë kohë nëse nuk janë barabar me tri qëllimet tona.
Ne duam që dialogu të përfundojë dhe që Kosova të jetë pjesë e NATO-s. Ne mendojmë se duhet të bëhet më shumë për rritjen ekonomike, ka sfida në sektorin energjetik dhe për të tentuar për të tërhequr investitorë të huaj”. /EO
