Policia e Kosovës ka njoftuar se gjatë 24 orëve të fundit janë regjistruar 34 aksidente trafiku në të gjithë vendin. Prej tyre, 19 raste kanë përfunduar me persona të lënduar, ndërsa 15 aksidente kanë shkaktuar vetëm dëme materiale.
Në të njëjtën periudhë, autoritetet kanë shqiptuar gjithsej 2014 gjoba për shkelje të rregullave të trafikut, duke reflektuar një nivel të lartë të mosrespektimit të ligjit në komunikacion.
Po ashtu, janë arrestuar 15 persona, ndërsa 13 prej tyre janë dërguar në mbajtje, nën dyshimin për shkelje të ndryshme ligjore që lidhen me sigurinë në trafik.
Autoritetet vazhdojnë të apelojnë për kujdes të shtuar dhe respektim të rregullave në rrugë, me qëllim parandalimin e aksidenteve dhe rritjen e sigurisë për të gjithë pjesëmarrësit në komunikacion./04 Online
