Kandidati për kryetar të Prizrenit nga Lëvizja Vetëvendosje, Artan Abrashi, ka falënderuar banorët e Lagjes “Bajram Curri” për pritjen e ngrohtë dhe përkrahjen e madhe që i kanë dhënë, shkruan 04 Online.
“Faleminderit Lagjja Bajram Curri për pritjen e ngrohtë dhe mbështetjen e fuqishme. Bashkë me deputeten Saranda Bogujevci folëm për vizionin tonë për Prizrenin. Me ju, fitorja e 12 tetorit është e sigurt!”, ka thënë Abrashi.
Ai theksoi se kjo lagje ka qenë gjithmonë në krah të ndryshimit dhe po e dëshmon sërish këtë vendosmëri për ta çuar Prizrenin përpara.
