Kandidati i LVV-së për kryetar të Prizrenit, Artan Abrashi, vizitoi biznesin e dizajneres së njohur Diba Celina, së bashku me Albulena Haxhiun, shkruan 04 Online.
Abrashi tha se Celina është shembull frymëzues i guximit dhe punës, ndërsa u zotua se si kryetar do të mbështesë bizneset kreative dhe gratë sipërmarrëse që promovojnë Prizrenin në botë.
Postimi i plotë i Artan Abrashit
Bashkë me Kryetaren e Gruas të Lëvizjes VETËVENDOSJE dhe nënkryetares së kuvendit të Republikës së Kosovës Albulena Haxhiu, sot vizitova biznesin e krijuar nga Diba Celina, një emër i njohur i modës që e nisi rrugëtimin e saj këtu në Prizren dhe tashmë ka arritur të krijojë një markë me ndikim ndërkombëtar.
Ajo është shembull i guximit, punës së palodhur dhe talentit që dallohet përtej kufijve, një frymëzim i madh për të rinjtë e qytetit tonë.
Si kryetar i ardhshëm i Prizrenit, zotimi im është i qartë: do të mbështesim bizneset kreative, gratë sipërmarrëse dhe çdo ide që sjell zhvillim e promovon Prizrenin në botë.
#ArtanAbrashi#Prizreni365#Vetevendosje#Prizren#dibacelina
