Aleanca për Ardhmërinë e Kosovës ka reaguar duke mbështetur protestën e studentëve shqiptarë në Maqedoninë e Veriut për të drejtën e dhënies së provimit të jurisprudencës në gjuhën shqipe.
Në reagimin e saj, AAK e cilëson këtë kërkesë si legjitime dhe në përputhje me të drejtat themelore të studentëve shqiptarë. Partia thekson se përdorimi i gjuhës amtare në arsim është një e drejtë e garantuar dhe thelbësore për barazi.
AAK u ka bërë thirrje institucioneve përgjegjëse në Maqedoninë e Veriut që të reagojnë pa vonesë dhe të marrin masa konkrete për zgjidhjen e kësaj çështjeje, duke respektuar të drejtat e shqiptarëve të përcaktuara edhe me Kushtetutë.
