Policia e Kosovës vazhdimisht po bënë apele për pjesëmarrësit në komunikacion që të respektojnë rregullat në trafik, pasiqë numri i aksidenteve që po ndodhin në vendin tonë po vazhdon të jetë shqetësuese.
Policia në raportin e saj 24 orësh, ka bërë të ditur se brenda kësaj periudhe kohore kanë ndodhur 74 aksidente, ku fatkeqësisht një prej tyre ka përfunduar me fatalitet.
Ndërkaq, 31 aksidente të tjera përfunduan me persona të lënduar dhe 42 sosh me dëme materiale.
Po ashtu, nga Policia e Kosovës kanë bërë të ditur se për 24 orë kanë shqiptuar 1,591 tiketa trafiku për të gjithë drejtuesit e automjeteve që kanë shkelur rregullat e trafikut.
Gjithashtu, në këtë periudhë kohore janë arrestuar 26 persona, ku 17 prej tyre janë dërguar në mbajtje dhe 7 të tjerë në vuajtje të dënimit.
