Sot mbushen 25 vjet nga rënia e Heroit tw Kosovës, Zenun Çoçaj.
Ai ra dëshmor më 4 qershor 1999, në fshatin Gjonaj të Hasit si pjesëtar i UÇK-së në brigadën 126 në Zonën Operative të Pashtrikut.
Nga ish-Presidenti i Kosovës, Hashim Thaçi, dëshmorit Çoçaj iu nda urdhri “Hero i Kosovës”.
Ai bashkë me dr. Halil Cikajn, gjatë kohës së bombardimeve të NATO-së, pos tjerash kanë ndihmuar edhe shumë bashkëluftëtarë të UÇK-së, të cilët arrinin në fshatrat e zbrazura të Hasit si dhe në malet e Pashtrikut.
Ndryshe Zenun Çoçaj punoi për disa vjet si sekretar shkolle në Gjonaj.
Sot shkolla fillore e fshatit Gjonaj mban emrin “Zenun Çoçaj”.
