Kandidatja për Kuvendin Komunal të Prizrenit nga LDK, Ganimete Kurtaj – Himaduna, ka theksuar se një nga prioritetet e saj kryesore do të jetë mbrojtja e shëndetit të fëmijëve në shkolla, shkruan 04 Online.
Ajo ka ngritur shqetësimin se shumë nxënës po detyrohen të mbajnë çanta të rënda e të stërngarkuara, gjë që sipas saj rrezikon seriozisht shëndetin fizik dhe zhvillimin e drejtë të tyre.
“Do të angazhohem që nëpër shkollat tona të krijohen kabinete funksionale, ku librat dhe materialet mësimore të qëndrojnë aty, në mënyrë që fëmijët të mos i bartin përditë me peshë të panevojshme.” ka deklaruar Kurtaj – Himaduna.
Sipas saj, shëndeti i fëmijëve është përgjegjësi e të gjithëve, por mbi të gjitha obligim i institucioneve. “Në asamble do ta ngre zërin e çdo prindi dhe të çdo fëmije, që kjo çështje të marrë zgjidhje urgjente.”, ka shtuar ajo.
