Kandidati i Lëvizjes Vetëvendosje për Kuvendin Komunal të Prizrenit, Edon Muçaj, ka theksuar se nëse merr besimin e qytetarëve për një ulëse në kuvend, prioritet i tij do të jetë mirëqenia sociale, shkruan 04 Online.
Muçaj ka thënë se do të ngre zërin për ndërtimin e shtëpive të reja për familjet me kushte të rënda ekonomike, funksionalizimin e Qendrës për qëndrim ditor të pensionistëve, subvencionimin e biletave të transportit për pensionistët, funksionalizimin e “Pakos Baby Box” për fëmijët e porsalindur dhe shtimin e pakove sociale për fëmijët në nevojë.
Ai theksoi se këto iniciativa janë të domosdoshme për një Prizren më solidar dhe me më shumë kujdes për kategoritë në nevojë.
