Kandidatja për Kuvendin e Prizrenit nga LDK, Ajlin Shishko, së bashku me kryetarin Driton Selmanaj, vizituan Klubin e Bashkimit, ku u pritën nga kryesia dhe drejtori, Kushtrim Kabashi, shkruan 04 Online.
Gjatë takimit u diskutua për projektin e madh të qendrës sportive me standarde FIBA, që ka për qëllim të ofrojë kushte moderne për lojtarët, si dhe për arritjet e klubit dhe ndeshjen e fundit, që bëri krenar komunitetin sportiv të Prizrenit.
Postimi i plotë i Ajlin Shishko
Sot, së bashku me kryetarin Driton Selmanaj, vizituam Klubin e Bashkimit, ku na pritën kryesia e klubit dhe drejtori, z. Kushtrim Kabashi.
Gjatë takimit biseduam për projektin e madh të qendrës sportive me standarde FIBA, që synojmë ta ndërtojmë për të ofruar kushte moderne për lojtarët tanë.
Diskutuam gjithashtu edhe për arritjet e klubit dhe ndeshjen e fundit, e cila na bëri të gjithëve krenarë.
Falënderojmë për mikpritjen dhe përkushtimin që po tregojnë për të forcuar klubin dhe sportin tonë.
