Kandidati i AAK-së për kryetar të Prizrenit, Besnik Krasniqi, ka vlerësuar lartë punën e Odës së Zejtarëve të Prizrenit, e cila udhëhiqet nga Afrim Tejeci, shkruan 04 Online.
Ai tha se kjo odë është një promotor i fuqishëm i zhvillimit të zejtarëve, biznesit dhe gjithë sektorit të ekonomisë jo vetëm në Prizren, por edhe më gjerë.
Sipas Krasniqit, me seriozitetin dhe përkushtimin e saj, Oda ka arritur të ruajë traditën e mjeshtërve prizrenas, duke mbështetur njëkohësisht edhe inovacionin dhe duke hapur horizonte të reja për gjeneratat e reja të zejtarëve.
Postimi i plotë i Besnik Krasniqit
Oda e Zejtarëve të Prizrenit, nën udhëheqjen e Afrim Tejecit, është promotor i fuqishëm i zhvillimit të zejtarëve, biznesit dhe gjithë sektorit të ekonomisë në Prizren e më gjerë.
Me punën, seriozitetin dhe përkushtimin e saj, kjo odë ka ruajtur traditën e mjeshtërve të qytetit tonë, ka mbështetur inovacionin dhe ka hapur horizonte të reja për gjeneratat e reja të zejtarëve.
Prizreni gjithmonë ka qenë djep i zejtarisë e i punës së ndershme – sot kjo trashëgimi po kthehet në forcë të zhvillimit modern ekonomik.
#Besnikohu 174 
