Sot në vendin tonë do të mbajë mot kryesisht me diell dhe me vranësira të pakta. Megjithatë, vonë pasdite dhe sidomos gjatë mbrëmjes, vranësirat pritet të dendësohen, duke sjellë ndryshime të lehta atmosferike, shkruan 04 Online.
Era do të fryjë nga drejtime të ndryshme, herë pas here me intensitet të lartë, veçanërisht në rajonin e Gjakovës, ku shpejtësia e saj mund të arrijë prej 10 deri në 45 km/h.
Temperaturat minimale do të jenë ndërmjet 11°C dhe 15°C, ndërsa ato maksimale do të shënojnë vlera të larta për këtë periudhë, duke arritur prej 28°C deri në 30°C./04 Online
