Me mbi 40 vite përvojë si mësimdhënëse, Lendita Bllaca synon të sjellë ndryshime në arsimin, kulturën dhe sportin e Prizrenit, shkruan 04 Online.
Ajo premton se do të ngre zërin në kuvend në mbështetje të politikave që për synim kanë ndërtimin dhe zhvillimin e shkollave moderne, mësues të përkrahur, fëmijë të lumtur, aktivitete kulturore dhe sport për të gjithë.
Njoftimi i plotë i Lendita Bllaca
Të dashur qytetarë të Prizrenit,
Pas më shumë se 40 viteve përvojë si mësimdhënëse, kam vendosur të kandidoj për Asamblenë Komunale të Prizrenit, me numrin 12 në listën e PDK (191).
E di nga përvoja ime se arsimi është themeli i së ardhmes së një qyteti dhe një kombi. Por njëkohësisht besoj se kultura dhe sporti janë forca që e mbajnë gjallë rininë tonë.
Prandaj vizioni im është i qartë: shkolla moderne, mësues të përkrahur, fëmijë të lumtur, kulturë aktive dhe sport për të gjithë.
Më 12 tetor, ju ftoj të bashkohemi për Prizrenin tonë!
Prizreni në punë!
Të gjithë bashkë për shkollat moderne të Prizrenit!
SHAQIR TOTAJ – 191 
LENDITA BLLACA – 12 / 191 PDK
