Thyerja e një veze mbi kafenë tuaj të mëngjesit ose shtimi i një maje luge kripe në të janë në të vërtetë vetëm disa nga mënyrat e shumta të thjeshta për t’ju ndihmuar ta merrni “me krahë të lehtë” një mëngjes.
Përveç të qenit jashtëzakonisht e shijshme, një vezë në kafenë tuaj është gjithashtu jashtëzakonisht e dobishme për të filluar ditën tuaj plot energji.
Ne kemi bërë një listë të gjërave që janë në gjendje ta bëjnë secilin prej nesh një person të dhënë pas mëngjesit. Lexoni më poshtë dhe do të na kuptoni.
Shtoni kripë në kafen tuaj
Nëse keni parë njerëz që shtojnë kripë në vend të sheqerit në kafenë e tyre të mëngjesit, kjo ndodh sepse në të vërtetë përmirëson aromën e saj. Ajo largon shijen e hidhur dhe në vend të qumështit ose sheqerit, nuk ju ngarkon me një duzinë kalori në mëngjes. Sidoqoftë mos e teproni, një majë luge është e mjaftueshme për të arritur shijen e përsosur.
Përfshini vezët në mëngjesin, edhe në kafenë tuaj
Kafeja Vietnameze me vezë është me të vërtetë e popullarizuar për një arsye. Mund të duket e çuditshme, por shtimi i një të verdhe veze në kafenë tuaj të mëngjesit shijon shumë dhe është gjithashtu e mirë për trupin tuaj.
Sipas një studimi, njerëzit që hanë vezë në mëngjes janë më energjikë sesa njerëzit që nuk e bëjnë. Pra, nëse kombinoni vezët me kafeinën, do të krijoni një nxitje të mëngjesit si askush tjetër. Mund t’i hani edhe në ndonjë mënyrë tjetër.
Provoni çaj të zi ose çokollatë të nxehtë me pak kanellë
Nëse nuk jeni një adhurues i kafes, mund të provoni edhe një filxhan çaj të zi. Ai përmban si kafeinë ashtu edhe L-theaninë, gjë që rrit gatishmërinë dhe përqendrimin. Por mund të krijoni edhe nxitjen tuaj të mëngjesit me çokollatë të nxehtë, nëse i shtoni pak kanellë. Ndihmon në kontrollin e niveleve të sheqerit në gjak, i cili mban nivelet e energjisë tuaj të ekuilibruar pa ju dhënë ndjenjën e lodhjes.
Pini një gotë ujë ose edhe më mirë, ujë me limon
Uji është thelbësor pa marrë parasysh çdo orë të ditës, por veçanërisht në mëngjes. Pini ujë kur zgjoheni për të përmirësuar performancën tuaj mendore.
Mund të provoni edhe një gotë ujë me limon. Kjo ndihmon në hidratimin, tretjen dhe humbjen e peshës, përmban vitaminë C, e cila është e mirë për lëkurën dhe sistemin imunitar, dhe është një mënyrë e mirë për të filluar ditën tuaj.
Përfshini bollgur (tërshërë) në mëngjes
Studimet këshillojnë gjithashtu që të përpiqeni të përfshini tërshërën në mëngjes, sepse kjo do të forcojë energjinë tuaj dhe do t’ju bëjë të ndjeheni më të plotë. Hulumtimet treguan se njerëzit që hanë një mëngjes të pasur me karbohidrate qëndrojnë më vigjilent gjatë ditës se njerëzit që hanë diçka tjetër.
mengjesi-konica.al
Ndizni muzikën
Nuk ka dyshim se muzika ndikon në gjendjen shpirtërore. Studime specifike kanë treguar që muzika mund të nxisë lumturinë dhe ul ankthin. Kështu, fillimi i ditës me disa melodi optimiste dhe të lumtura është mënyra më e mirë për të ngritur gjendjen shpirtërore dhe për t’ju bërë të vazhdoni pjesën tjetër të ditës.
Rrethohuni nga ngjyrat
Ngjyrat përreth ndikojnë seriozisht në disponimin tonë, thonë ekspertët. Zgjidhni ngjyra të ndritshme për shtëpinë dhe shtratin tuaj – veçanërisht nëse nuk ka shumë dritë në apartamentin tuaj.
Vishuni me veshje më të ndritshme dhe do të shihni që humori juaj të ndryshojë dhe ndoshta edhe dieta juaj të bëhet më e shëndetshme. Imagjinoni se çfarë ndryshimi mund të ketë kjo në ditët tuaja.
Bëjeni gati veshjen tuaj një ditë më parë
Përgatitja e veshjes tuaj një natë më parë është një tjetër gjë që mund të bëni për të kursyer kohë në mëngjes. Sa më shumë që të keni përgatitur, aq më pak stres dhe shumë kohë ju duhet dhe do të shijoni mëngjesin dhe zakonet e tjera të mëngjesit. Nëse tashmë e dini se çfarë do të vishni, nuk do të duhet të vendosni, dhe ndoshta nuk do të irritoheni, në mëngjes.
Mbani një plan për ditën dhe kontrolloni përparësitë tuaja
Një gjë tjetër që do t’ju ndihmojë të kurseni kohë dhe do të bëni më shumë gjëra është organizimi. Mbani një kalendar planifikimi me të gjitha gjërat që duhet të bëhen gjatë ditës, të renditura nga më të rëndësishmet deri tek ato më pak të rëndësishmet. Nëse e bëni këtë, nuk do të stresoheni në fund të ditës për diçka që duhej të ishte bërë.
Mbajeni orën tuaj të alarmit larg nga vetja
Është më mirë ta mbani larg orën e alarmit, në vend që ta mbani atë në tryezën tuaj të pranë shtratit. Kjo do t’ju ndihmojë të zgjoheni në mënyrë më efektive sepse do të duhet të çoheni për ta ndaluar atë. Nëse tashmë jeni jashtë shtratit tuaj të ngrohtë, është më e mundshme që ju të filloni ditën tuaj pa u vonuar.
Merrni një grusht me arra përpara se të dilni
Arrat janë një snack i shkëlqyeshëm dhe i shëndetshëm për të filluar ditën. Për shkak se ato janë të pasura me yndyrë, karbohidrate dhe proteina, ato rritin nivelin e energjisë sonë, na bëjnë të ndjehemi të ngopur dhe të na bëjnë gati për të filluar ditën.
Bëni disa ushtrime të shpejta ndërsa lani dhëmbët
Përfshirja e ushtrimeve në orarin tuaj të mëngjesit është një gjë tjetër që do t’ju ndihmojë të zgjoheni më lehtë pasi rrit energjinë e trupit tuaj dhe zvogëlon lodhjen, stresin dhe ndjenjat e tjera negative.Nëse nuk mund të shtoni një stërvitje të plotë, mund të provoni të bëni 2-5 minuta trainim ndërsa bëni gjëra të tjera. Për shembull, mund të bëni disa mbledhje në banjë ndërsa lani dhëmbët.
Merrni pak rreze dielli
Është vërtetuar shkencërisht se rrezet e diellit përmirësojnë gjendjen shpirtërore dhe ndjenjat. Kështu, trupi jonë ndalon së prodhuari melatoninë, hormonin që e vë atë në gjumë. Si rezultat, ne jemi më vigjilent.Nëse dëshironi të filloni ditën tuaj të lumtur, hapni perdet dhe lëreni rrezet e diellit të hyjnë, ose edhe më mirë dilni jashtë dhe të merrni pak diell nëse moti lejon ta bëni këtë.
