Albina Zeneli është një nga gazetaret më aktive dhe të njohura në median kosovare, e cila ka ndërtuar një karrierë të qëndrueshme në fushën e artit, kulturës dhe showbiz-it.
Me një përvojë mbi dhjetë vite në gazetari, ajo njihet për profesionalizmin, energjinë pozitive dhe qasjen direkte ndaj temave që lidhen me personazhet publike, shkruan nzoom.biz.
Prezantuesja sot feston ditëlindjen e po vazhdon të pranojë urime të shumta nga njerëzit e zemrës.
Albina po ashtu është themeluese e n’ZOOM Produksion, portalit nzoom.biz e po ashtu autore dhe moderatore e emisionit n’ZOOM, projekt ky i filluar në prill të vitit 2017 në kanalin zyrtar në Youtube.
Përndryshe, në tetorin e vitit të kaluar ajo u bë pjesë e stafit akademik të UBT-së, aty ku ka mbaruar studimet për gazetari në niveli Bachelor dhe Master.
Aktualisht, ajo po drejton një emision të quajtur ‘Zëri i Shkencës’ në Campus Radio. /nzoom.biz/
