Petrit Hoxhaj, kandidat për Kuvendin e Prizrenit nga GUXO, ka premtuar se një nga prioritetet e mandatit të tij të ardhshëm do të jetë krijimi i një parku lojërash gjithëpërfshirës për fëmijët me aftësi të kufizuara, shkruan 04 Online.
Ai theksoi se premtimet e tij kthehen në veprim dhe synojnë të sigurojnë hapësira të sigurta dhe të barabarta për të gjithë fëmijët.
Postimi i plotë i Petrit Hoxhaj
Të nderuar qytetarë,
Gjatë mandatit tim katërvjeçar kam dëshmuar se fjala e dhënë është premtim i mbajtur.
Në mandatin e ardhshëm, një nga prioritetet e mia kryesore do të jetë inicimi dhe realizimi i një parku të veçantë lojërash për fëmijët me aftësi të kufizuara.
Ky projekt do të krijojë hapësira të sigurta, të përshtatshme dhe gjithëpërfshirëse, ku çdo fëmijë do të ndihet i barabartë, i respektuar dhe i lirë të shijojë fëmijërinë e vet.
Unë besoj se fjala e dhënë është obligim, dhe se premtimet e mia nuk mbeten vetëm fjalë – ato kthehen në realitet.
Partia Guxo 118
Petrit Hoxhaj Nr. 5
Guxo për Prizrenin
