Kandidati për kryetar të Prizrenit nga Bashkimi Demokratik, Zafir Berisha, ka kritikuar mungesën e veprimit të pushteteve lokale gjatë 16 viteve të fundit, që nuk e kanë ndërtuar rrugën që lidh lagjet “Tusuz” dhe “Bajram Curri”, shkruan 04 Online.
Berisha ka premtuar se, nëse zgjidhet kryetar, kjo rrugë do të ndërtohet, duke përmirësuar qarkullimin dhe jetën e banorëve të këtyre lagjeve. Ai fton qytetarët të bëjnë ndryshimin dhe të mbështesin një qeverisje që vepron me rezultate.
Postimi i plotë i Zafir Berishës
Kjo rrugë para 16 vitesh ka qenë një prrockë e uzurpuar dhe me mbeturina.
E kemi filluar me idenë që përmes kësaj rruge ta lidhim lagjen “Tusuz” dhe “Bajram Curri”.
Por, që nga ajo kohë, ka mbetur këtu ku ka mbetur, dhe a e dini pse? Sepse për 16 vite, ju besuat njerëzve të cilët kanë veç fjalë, por jo edhe punë.
Është momenti, të nderuar qytetar të Prizrenit, që të ndryshoni.
