Kandidati i LDK-së për Kuvendin e Prizrenit, Bajram Kastrati, ka theksuar se rikthimi i pronave publike për interesin e qytetarëve do të jetë prioritet i tij edhe në mandatin e ardhshëm, shkruan 04 Online.
Ai kujtoi se gjatë katër viteve si kuvendar ka iniciuar procedurat për kthimin e dy pronave nga AKP-ja në pronësi të Komunës së Prizrenit, një për ndërtimin e stadiumit në lagjen “Arbana” dhe një tjetër për shkollë, çerdhe dhe sallë sportive.
Kastrati shtoi se miratimi i projekteve varet nga Qeveria Qendrore, por ai do të shfrytëzojë të gjitha mundësitë institucionale për t’i realizuar këto projekte të shumëpritur.
Postimi i plotë i Bajram Kastratit
Rikthimi i pronave publike në shërbim të komunitetit.
Për katër vite si kuvendar në kuvendin e Prizrenit, përveç tjerash, kam inicuar dhe zhvilluar procedurat në kuvendin e Prizrenit për kthimin e dy pronave në pronësi të Komunës së Prizrenit, prona këto të menaxhuara nga AKP-ja (Agjensioni Kosovar i Privatizimit), të destinuara për ndërtimin e një stadiumi dhe objekteve edukative, kulturore dhe sportive.
Projekti i parë ka të bëjë me stadiumin e lagjes dhe jo vetëm.
Kërkesë kjo, e kahmotshme dhe shumë e nevojshme për qytetarët dhe klubin futbollistik “FC Arbana”.
Projekti apo prona e dytë është e destinuar për objekte arsimore, edukative dhe kulturore si: shkollë, çerdhe dhe sallë sportive.
Duhet bërë me dije se miratimi i këtyre projekteve varet nga Qeveria Qëndrore.
Në mandatin e ardhshëm do të shfrytëzojmë të gjitha mundësitë institucionale që t’i jetësojmë sa më shpejtë këto projekte më se të nevojshme të qytetarëve tanë.
113 LDK
9 Bajram Kastrati
