Një nga problemet më të zakonshme që të gjithë nga ne e kemi hasur më shumë se një herë, është pikërisht bllokimi i lavamanit.
Mund të ndodhë nga ushqimet e mbetura nëpër pjata kur lajmë enët, ose edhe si pasojë e mineraleve që kalcifikohen nëpër tubat e shkarkimit.
Por ajo që është e sigurt, është se bllokimi i lavamanit është një nga problemet më stresuese në kuzhinë.
AgroWeb.org ju sugjerion një zgjidhje krejt të lehtë për këtë, dhe ju duhen vetëm dy përbërës.
Uthulla dhe soda e bukës, është kombinimi i përkryer kundër bllokimit të lavamanit, dhe do t’ju ndihmojë sa hap e mbyll sytë.
Si të përdorni këto dy produkte
Si fillim vendosni një xhezve me ujë në zjarr derisa ajo të ziejë.
Kur uji të ketë vluar, hidheni atë në piletën e lavamanit.
Më pas hidhni rreth gjysmë gote me sodë buke dhe lejoheni që të kryej funksionin e saj për disa minuta.
Ndërkohë keni përzierë një gotë me ujë me uthull dhe një gotë me ujë shumë të nxehtë bashkë.
Këtë përzierje hidheni në piletën e lavamanit.
Mbulojeni piletën e lavamanit me ndonjë kapak shisheje apo pjatë të vogël, në mënyrë që përbërja të mos përhapet.
Dhe lëreni përreth 10-15 minuta.
Më pas shpëlajeni me një tjetër xhezve me ujë të valuar.
Përse një kombinim i tillë funksionon
Soda e bukës dhe uji i nxehtë arrijnë të çlirojnë mbetjet që janë grumbulluar në piletë dhe në tubat e shkarkimit të lavamanit tuaj.
Ndërkohë kur ju hidhni uthullën e mollës krijoni një reaksion kimik i cili shpërbën të gjitha këto mbetje.
Dhe kështu lavamani juaj zhbllokohet, dhe për më tepër i largohet dhe aroma e pakëndshme nga mbetjet e ushqimeve. /AgroWeb.org
