Mesfushori i Paris Saint-Germain, Leandro Paredes, ka thënë se Neymar do të mbetet në klubin parisien, pavarësisht interesimit të vazhdueshëm nga Barcelona.
Katalanasit duan ta kthejnë brazilianin në Camp Nou dhe thuhet se po përgatisin një ofertë këtë verë, por Paredes mendon se Neymar nuk do të shkojë askund.
“Unë flas me Neymar shumë, ai gjithmonë më telefonon. Tani që jemi mbyllur, ai më telefonon me video dhe flasim”.
“Ai do të vazhdojë me ne”, ka thënë Paredes për Fox Sports.
Argjentinasi është i lumtur te PSG dhe vlerësoi nivelin e cilësisë që ka brenda skuadrës.
“Unë kam një skuadër të jashtëzakonshme përkrah meje”.
“Më pëlqen të stërvitem dhe të luaj me ta, dhe të ndaj një dhomë të zhveshjes me ta çdo ditë”.
“Ekziston një standard shumë i lartë [në PSG]. Ka shumë figura udhëheqëse këtu”, ka thënë ai. /Telegrafi
