Futbollisti i Barcelonës ka rënë në radarin e ekipit anglez.
Ousmane Dembele ka hyrë në vitin e fundit të kontratës me Barcelonën që i skadon në qershor të vitit 2022, transmeton lajmi.net.
Drejtuesit e klubit prej kohësh kanë nisur bisedimet me futbollistin për të zgjatur kontratën, por një gjë e tillë duket e vështirë.
Sipas ‘Mundo Deportivo’, skuadra e Newcastle United është duke insistuar në transferimin e Dembeles në afatin kalimtar të janarit.
Klubi anglez është i gatshëm t’i ofrojë futbollistit pagë të lartë, që të bind atë të kalojë në Premier Ligë.
Në anën tjetër trajneri i Barçës, Xavi Hernandez e dëshiron ta ketë akoma në ekipi 24-vjeçarin, por gjërat varen nga agjenti i futbollistit që thuhet se ka kërkuar largimin e klientit të tij.
Dembele sapo është rikthyer nga lëndimi dhe llogaritet si lojtar i rëndësishëm në formacionin e Xavit.