Me Samir Handanovic drejt largimit gjatë merkatos së verës, drejtuesit e Interit kanë nisur menjëherë punën për të gjetur një portier në nivelin e sllovenit.
Në krye të listës së zikaltërve janë dy kandidatë, Juan Musso që aktivizohet te Udinese dhe Marco Silvestri, që luan me skuadrën e Veronës.
Për argjentinasin e friulanëve Interi duhet të derdhë në arkat e klubit bardhezi shumën e 20 milionë eurove, ndërsa numrit një të Veronës i skadon kontrata në 2022 dhe mund të lirohet nga klubi për një shifër më të ulët, çka i intereson edhe Interit./SS
