Hidhet shorti për ndeshjet e sezonit të ardhshëm në Premier League, që do të nisë më 14 gusht, me kampionët në fuqi të Manchester City-t që do ta nisin mbrojtjen e titullit në transfertë përballë Tottenhamit.
Një tjetër përballje, që pritet me interes është derbi i Londrës midis kampionëve të Europës, Chelsea-t, dhe Crystal Palace. Të besuarit e gjermanit Tuchel do të synojnë këtë sezon titullin kampion, ndaj pritet të rivalizojnë denjësisht me Citizens, të cilët arritën t’i mposhtnin edhe në finalen e Champions League.
I renditur në vendin e dytë në sezonin që lamë pas, Manchester United, i udhëhequr nga Solskjaer, ka pritshmëri të larta dhe pritet t’i bashkohen garës për fitimin e Premier League-s. Ndërkohë që Liverpooli do të udhëtojë në “Carrow Road” për sfidën ndaj Norwich. Fituesja e “FA Cup”, Leicester City do të ndeshet me Ëolves, ndërsa Arsenali do të përballet me skuadrën debutuese, e Brentford. Një përballje tejet e rëndësishme pritet të luhet me 28 gusht ndërmjet Liverpoolit dhe Chelsea-t, në të njëjtën javë City do të matë forcat me Arsenalin. Citizens do të perballen me kampionët e sezonit 2019-20, pra me të kuqtë e drejtuar nga Klopp më 2 tetor, një tjetër sfidë tejet e rëndësishme për luftën për titull.
Në të njëjtin muaj, Liverpool do të udhëtojë në “Old Trafford” për ndeshjen ndaj Man. United, një tjetër pretendent i mundshëm për titullin kampion. Derbi i parë i Manchesterit është caktuar që të luhet më 6 nëntor, ndërsa derbi i Merseyside, Everton-Liverpool në të njëjtin muaj. Sezoni 2021-22 nuk do të ketë ndryshime në strukturë dhe do t’i besohet formatit tradicional me 20 skuadra pjesëmarrëse.
Java 1 (14 gusht)
Brentford – Arsenal
Burnley – Brighton
Chelsea – Crystal Palace
Everton – Southampton
Leicester – Wolves
Manchester Utd – Leeds
Newcastle – West Ham
Norwich – Liverpool
Tottenham – Manchester City
Watford – Aston Villa./SS
