Anthony Joshua ka përdorur klauzolën e tij për një ndeshje revansh kundër Oleksandr Usyk, e cila do të zhvillohet në pranverën e vitit 2022, ka thënë Eddie Hearn.
Boksieri britanik i peshave të rënda, Joshua, humbi rripat e tij të IBF, WBA dhe WBO ndaj ukrainasit Usyk, me vendim unanim në stadiumin “Tottenham Hotspur” muajin e kaluar.
“Joshua po stërvit tani dhe sot ne zyrtarisht filluam përgatitjet për revanshin ndaj Oleksandr Usyk, të cilën do ta shohim pranverën e ardhshme,”- ka deklaruar promotori Hearn për “DAZN” të shtunën.
“Pra, përsëri ai do të ngjitet në ring, duke kërkuar që të bëhet sërish një kampion i trefishtë në peshën e rëndë.”
Duke folur pasi humbi titujt e tij ndaj Usyk, Joshua tha: “E kam parë ndeshjen, kam analizuar përgatitjet dhe kam identifikuar gabimet. Unë e kam mësuar mësimin tim”.
Joshua, 31 vjeç, më parë u hakmor për një humbje të papritur ndaj Andy Ruiz Jr., humbja e vetme tjetër e luftëtarit britanik në karrierën e tij, po me një fitore unanime në Arabinë Saudite në dhjetor 2019.
