Këngëtarja mendoi të kryejë vetëvrasje, Valbona Lalaj: Ndalimi i muzikës na lë pa bukë, kam dy fëmijë, tani punoj në market

0
47

Këngëtarja Valbona Haklaj Lalaj e cila prej 20 vitesh ka ushtruar profesionin si këngëtare në lokale nate është shprehur se ka menduar dhe vetëvrasjen për shkak se nuk ka mundësi ta ushtrojë profesionin e saj.

Ajo tregon se është nënë e dy fëmijëve, e cila e vetme pas divorcit është detyruar të jetë nënë dhe baba për ta.

Më është dashur të luftoj që fëmija im të ketë veshjen, të ketë ushqimin, ti ketë të gjitha. Por nuk e ka pasur nënën pranë. Vështirësitë për një femër të vetme janë të shumta por kam mbijetuar me punën dhe profesionin që bëj si këngëtare dhe artiste që 20 vite.”, tha ajo për Ora News.

Pas përhapjes së koronavirusit dhe më pas mbylljes së lokaleve të natës, jetesa e saj u vështirësua së tepërmi derisa ajo tentoi të vetëflijohej. 37-vjeçarja sot është detyruar të fillojë punë në një market për të mos i shtrirë dorën askujt por apelon ndaj qeverisë për lehtësimin e masave ndaj Covidit.

E mora këtë vendim të bëjë vetëflijim. Më vonë mendova se plagën më të madhe do t’ua lija fëmijëve të mi. Unë me këtë punë kam jetuar. Sot kam nisur punën në market, shteti po na vret. Nuk po na jep një përgjigje. Pse vetëm ne?!”- tregoi këngëtarja.

Leave a Reply