Dega e PDK-së në Prizren ka njoftuar se ka ndihmuar me pako ushqimore banorët e fshatit Skorobisht.
PDK-ja njëkohësisht ka kritikuar pushtetin lokal për mungesë të përkrahjes të këtij komuniteti i cili është në karantinë, fshat në të cilin kanë rezultuar disa të infektuar nga COVID-19.
“PDK afër qytetarëve, ndihmoi me pako ushqimore fshatin e prekur Skorobisht!
Fshati Skorobisht, ka mbetur në mëshirën e fatit dhe pa përkrahje nga komuna e Prizrenit, dhe kryetari Mytaher Haskuka. Askush nuk i dëgjoi thirrjet e banorëve, që pas rasteve të fundit me Coronavirus, jo vetëm që u izoluan por mbetën edhe pa ushqime.
Duke parë këtë gjendje, me ndihmën e njerëzve vullnetmirë, kemi dërguar dje pako ushqimore. Aksionet nga PDK, dega në Prizren nuk do të mungojnë.
E derisa ne ndihmojmë, jemi në teren afër qytetarëve, sikur ditë më parë në Korishë, ku Kryetari Haskuka dhe ekipi tij bëjnë sehir nga zyrat e tyre.
Ata nuk dinë të bëjnë asgjë tjetër, pos të dorëzojnë kallëzime penale ndaj krejt atyre që këto ditë të rënda ndihmojnë e janë afër bashkëqytetarëve.
RrinShpi”, thuhet në njoftimin e PDK-së në Prizren./04 Online