Një 23-vjeçar me inicialet A.R., ka ndërruar jetë si pasojë e një vetaksidenti që ka ndodhur sonte rreth orës 19:55, në fshatin Lubizhdë të Prizrenit.
Bashkë me të në veturë ka qenë edhe vëllai tij, i cili është në gjendje të rëndë shëndetësore, për shkak të plagëve që ka pësuar në këtë aksident.Lajmin për Gazetën Sinjali e kanë konfirmuar nga Policia e rajonit të Prizrenit.
“Një vetaksident trafiku rreth orës 19:55 ka ndodhur sonte në fshatin Lubizhdë të Prizrenit. Si pasojë e vetaksidentit një person ka humbur jetën, ndërsa një tjetër është lënduar rëndë. Ai është në gjendje të rëndë shëndetësore duke u trajtuar në Emergjencën e Spitalit të Prizrenit”, thanë nga Policia e Prizrenit për Sinjali.
