Kandidati për Kryetar të Prizrenit Shaqir Totaj, së bashku me nënkryetaren e PDK-së Vlora Çitaku e deputeten Blerta Deliu-Kodra vizituan shoqatën kulturore e artistike turke “Doğru Yol”. Në këtë takim u pritën nga Nevzat Sundo dhe anëtarë të tjerë të shoqatës, të cilët shprehën mirënjohje për vizitën dhe uruan për bashkëpunime të mirëfillta dhe mbështetje nga Komuna, në të ardhmen.
“Me Nevzat Sundon biseduam për artin si shprehje universale e shpirtit të njeriut dhe për Prizrenin si hapësira e duhur për art që kapërcen kufijtë e qytetit.
Prizreni është qytet multikulturor dhe një gjë e tillë është pasuri shumë e çmueshme, të cilën duhet ta kultivojmë tutje. Arti i Prizrenit, sikurse vet qyteti, është i të gjithëve. Prandaj si kryetar i ardhshëm i komunës do të përkrahi të gjitha shoqatat kulturore e ansamblet ekzistuese të Prizrenit. Teşekkürler”- u shpreh Totaj në këtë takim.
Përkrahja e komunës me fitoren e PDK-së do të jetë e fokusuar për të gjithë mbrojtësit dhe kultivuesit e përhapësit e trashëgimisë kulturore pa dallim komunitesh e besimesh, sepse komunitet në Prizren janë thesar dhe pasuri me vlerë për qytetin tonë të bukur.
