Totaj: Bashkë me qytetarët po sjellim ndryshimin e madh në Prizren

0
45

Kandidati për Kryetar të Prizrenit, Shaqir Totaj ka marrë mbështetje të madhe edhe sonte në Hoqë të Qytetit, Poslishtë e Billushë të Vërrinit.

Totaj ka premtuar se së bashku me këtë mbështetje të qytetarëve, ndryshimi për Prizrenin do të jetë i dinjitetshëm.

Në këto takime Totaj ishte së bashku me Zafir Berishën nga Nisma Social Demokrate, i cili ditë më parë zyrtarizoi mbështetjen e tij për të.

“60 për qind e qytetarëve kanë votuar për ndryshim në raundin e parë të zgjedhjeve.”, ka thënë Totaj.

“Me Zafën dhe Kujtimin sot përjetuam edhe nga afër entuziasmin e madh të banorëve në Hoqë të Qytetit, Poslishtë e Billushë të Vërrinit. Të gjithë së bashku, pa dallim, janë mobilizuar e më të vendosur së kurrë për të sjellë ndryshimin.”, ka thënë Totaj.

Totaj ka thënë se këtë besim padyshim që do t’ua kthejë me qeverisje të mirë e zhvillimore pas 14 nëntorit.

“Prizrenit tonë do t’ia kthejmë dinjitetin – për ta bërë një qytet të barabartë për të gjithë qytetarët.”, ka thënë ai.

Leave a Reply