Lajme

Nisma: Drejtoria Komunale e Arsimit fillon regjistrimin e fëmijëve në çerdhen publike të sapo ndërtuar pa e përzgjedhur stafin!

July 22, 2020

530

Pas njoftimit nga Komuna e Prizrenit se ka filluar regjistrimi i fëmijëve në çerdhen publike “11 Marsi”, ka reaguar Nisma Socialdemokrate.

Në reagimin e këtij subjekti politik thuhet se si është e mundur të filloj regjistrimi pa përzgjedhjen e stafit.

Reagimi i plotë i Nismës Socialdemokrate:

“Gjatë ditës së sotme në faqen e Komunës së Prizrenit, DKA ka publikuar një njoftim ku i bënë thirrje fëmijëve (moshës 3-6 vjeçar) të regjistrohen në çerdhen e parë publike në lagjen “11 Marsi”, pranë shkollës fillore “Lekë Dukagjini”, në Prizren. Por ajo çfarë përbën skandal në vete është fakti se deri më tani nuk është hapur asnjë konkurs për menaxhmentin që do të udhëheqin këtë çerdhe dhe për stafin plotësues, si edukatorë dhe teknik. Pyetja që shtrohet është se kush janë personat e punësuar që do të regjistrojë fëmijët dhe me çfarë formule DKA ka përzgjedhur stafin?
Me siguri kanë zbuluar ndonjë formë avangardiste, siç kanë bërë deri më tani. Mesa duket qeverisja lokale e Mytaher Haskukës do të mbahet mend gjatë për zbulimin e formulave të punësimit në shkelje me ligjin.

Urgentisht kryetari i Komunës së Prizrenit duhet të na shpjegojë formulën sepse jemi duke folur për një shkelje të përmasave të mëdha. Dikush duhet me dhënë përgjegjësi për këtë. Ftojmë organet e drejtësisë që të hetojnë këtë rast”, thuhet në reagimin e Nismës në Prizren./04 Online

Prizren, fillon regjistrimi i fëmijëve në çerdhen e parë publike në lagjen “11 Marsi”

Shpërndaje:

Like this:

Related

Leave a ReplyCancel reply