Kurti: Na ka dalë rritja prej dore, sivjet do t’i marrim 250 mijë vota

0
36

I nominuari i Lëvizjes Vetëvendosje për Kryeministër, Albin Kurti, ka thënë se subjekti politik që drejton është duke u rritur me shpejtësi.

“Rritjen tonë nuk po mund ta kontrollojmë as vet. Na ka dalë rritja prej dore”, ka thënë Kurti nga takimi me qytetarë në qytetin e Podujevës, njofton Klan Kosova.

Ai ka thënë se në Vetëvendosje kanë bërë kërkesë për anëtarësim edhe fëmijë  15 vjeçare por që nuk ua kanë mundësuar anëtarësimin për shkak të moshës së tyre.

“Por ne dashurinë për Vetëvendosjen nuk mund që t’ua ndalojmë”.

Në zgjedhjet e 6 tetorit Kurti ka theksuar se do t’i kenë 50 mijë vota më shumë sesa në zgjedhjet e 2017-ës.

“Nëse atëherë i kemi arrit 200 mijë, sivjet do të arrijmë në 250 mijë vota”.

“6 tetori është shansi unik dhe historik që nuk duhet ta lëshojë asnjë qytetarë as nga Kosova as nga mërgata”.

“Me qeverisje do ta zvogëlojmë Qeverinë për ta zhvilluar shtetin. Unë nuk kam nevojë për pesë zëvendës dhe as për shumë këshilltarë”, është shprehur Kurti.

Në takimin “Kafe me Albinin”, Kurti ka përmendur edhe përvojën e tij sa ka qenë i shtrirë në intensivë në Klinikën e Infektivës në QKUK.

Sipas tij aty nuk ka pasur as barna bazike, shiringa e as dorëza.

“Kjo ka ndodhë sepse për këto medikamente nuk ka para të madhe për atë mungojnë, a për asfalt nuk mungojnë shumat e mëdha të parave”.

“Mirëpo shkoi terri i PAN-it me panik dhe erdhi dita e Lëvizjes Vetëvendosje”.

Leave a Reply