Korisha dhe fshatrat rreth saj vendosën të rreshtohen përkrah Çlirimtarëve duke i dhënë mbështetje të fortë kandidatëve për deputet nga radhët e Nismës në Prizren, si dhe u zotuan se do të jenë ushtarë të denjë në betejën e 14 Shkurtit, thuhet në njoftimin e Nismës transmeton 04 Online.
“Kandidati për deputet, Zafir Berisha, tha se kauza jonë Me Çlirimtarët në mbrojtje të vlerave kombëtare është kauzë që po përkrahet nga qytetarët anekënd vendit dhe pashmangshëm edhe në lagjet dhe fshatrat e Prizrenit.
Fshatrat si Korisha dhe Prizreni në përgjithësi, janë mobilizuar maksimalisht për të kontribuar në fitoren e madhe të Çlirimtarëve në zgjedhjet e 14 Shkurtit.
Ne sot jemi në fshatin Korishë për të dhënë mesazhin tonë të fundit për këtë fushatë elektorale, se fitores së madhe të Çlirimtarëve tashmë po i prijnë qytetarët e Kosovës të cilët janë mishëruar me programin tonë socialdemokrat dhe janë bërë të gjithë bashkë me Çlirimtarët për t’i ruajtur vlerat kombëtare dhe për ta mbrojtur identitetin e shtetit, përfundoi, kandidati për deputet, Zafir Berisha.
Kandidatët tjerë për deputet, Albulena Balaj – Halimaj, Sabri Micaj, Shukrije Berisha, Muhamet Shalaj, Afrim Tejeci, dhe Veton Rexhaj, kërkuan nga banorët e Korishës dhe fshatrave rreth saj që edhe në këto ditë të mbetura ta shtrijnë kauzën tonë Me Çlirimtarët në çdo shtëpi, në mënyrë që fitorja e 14 Shkurtit të jetë më e fortë dhe më bidëse”, thuhet në njoftim./04 Online
