Komuna e Prizrenit synon ta kthej fshatin Struzhë në destinacion turistik

0
72

Drejtoria e Turizmit dhe Zhvillimit Ekonomik pranë Komunës së Prizrenit ka njoftuar se është duke punuar për mundësitë e realizimit të një projekti që për synim ka ta kthej fshatin Struzhë në destinacion turistik.

Si rrjedhojë, parashikohet që të investohet në rehabilitimin dhe vënin në funksion të disa shtëpive të vjetra në këtë fshat, të cilat pritet të shndërrohen në bujtina për turistë vendor e ndërkombëtar.

“Drejtoria e Turizmit dhe Zhvillimit Ekonomik është duke planifikuar dhe analizuar mundësitë për fillimin e një pilot projekti në fshatin Struzhë, i cili do të konsistojë në krijimin e mundësive të zhvillimit turistik dhe eko-turizmit, ku parashihet të investohet në rehabilitimin dhe vënien në funksion të një numri të shtëpive të vjetra të fshatit, të murosura me gurë natyral, të cilat pastaj parashihet të shndërrohen në bujtina për turistët si vendor po ashtu edhe ndërkombëtar.

Si pikë e dytë e këtij projekti parashihet krijimi i një muzeu etnologjik, ku do të ekspozohen eksponatet që janë në dispozicion aktualisht në atë fshat, dhe ato që mund të gjenden në vazhdimësi.

Qëllim primar dhe kryesor i projektit është zhvillimi ekonomik i zonës në fjalë, zhvillimi i turizmit malor dhe pasurimi i ofertave turistike në kuadër të Komunës së Prizrenit”, thuhet në njoftim./04 Online

Leave a Reply