Komuna e Prizrenit informon pronarët e parcelave në “Zonën e Industrisë së Lehtë” për hapjen e rrugëve në këtë zonë

0
110

Drejtoria e Urbanizmit dhe Planifikimit Hapësinor (DUPH), gjatë ditës së sotme ka organizuar një takim informues me pronarët e parcelave që gjenden në “Zonën e Industrisë së Lehtë”.

Në këtë takim që u mbajt në hapësirat e shtëpisë së kulturës “Xhemajli Berisha”, morën pjesë Drejtori i Drejtorisë së Urbanizmit dhe Planifikimit Hapësinor (DUPH), Beni Kizolli, nënkryetari i Komunës së Prizrenit, Visar Shehu, drejtori i Administratës Osman Hajdari dhe zyrtarë të tjerë nga DUPH.

Duke dhënë informacione të detajuara në lidhje me fillimin e punimeve të hapjes së rrugëve në këtë zonë, drejtori Kizolli, deklaroi se ky takim fillimisht po mbahet me qëllim të informimit të qytetarëve ndërsa gjatë javës së ardhshme do të organizohet edhe një takim tjetër me qytetarët, ku pronarët e zonave do të kenë mundësi të debatojnë dhe t’i shprehin propozimet – shqetësimet e tyre në lidhje me këtë çështje.

Leave a Reply