Kryeministri Avdullah Hoti, ka folur në konferencë për media për masat e reja kundër Covid-19.
Ai ka thënë se situata në të cilën po kalon vendi me pandeminë është tepër e rëndë, transmeton Portali.info.
Duke u bazuar në këtë trend të rritjes së numrit të infektuarve, Qeveria e Kosovës në bashkëpunim me Ministrinë e Shëndetësisë dhe IKSHPK-në ka marrë këto masa:
Gjenerale
Vendimet e plota:
Komunat me ngjyrë të gjelbër, rrezik më të ulët:
Lejohen operatorët ekonomik nga ora 05:00 deri 20:00.
Rregullohet transporti publik me 50% të kapacitetit, dhe kufizimi i pasagjerëve.
Qendrat tregtare 05:00 – 20:00.
Gastronomia deri në orën 20:00, e pastaj merr me vete.
Komunat me rrezik të mesëm:
Operatorët nga ora 05:00 – 18:00.
Gastronomia nga ora 05:00 – 18:00.
Në këto komuna institucionet publike dhe private punojnë vetëm me staf esencial.
Qendrat tregtare nga ora 05:00 deri në orën 18:00.
Rregullohet forma e funksionimit të trafikut publik.
Komunat me rrezik të lartë:
Prishtina, Podujeva, Gjakova, Gjilani, Ferizaj dhe të tjera.
Lejohet aktiviteti ekonomik deri në orën 19:00.
Nga ora 19:00 mbyllet çdo aktivitet ekonomik, dhe vendoset kufizim i plotë i lëvizjes qytetare.
Ndalohen hyrje- daljet nga këto komuna nga ora 19:00 deri në orën 05:00 të mëngjesit.
Hoti ka thënë se këto masa janë ekstreme dhe nëse një biznes apo person nuk respekton ndonjë masë nga Qeveria apo Ministria e Shëndetësisë, do të përballet me mbyllje së paku deri në 3 muaj.
Kryeministri e ka krahasuar këtë situatë me gjendje lufte, ku ka thënë se nga marsi deri më tani ka mbi 700 raste me fatalitet dhe Qeveria nuk mund të mos reagojë.
