Këto janë 28 zotimet e Zafir Berishës për Prizrenin

0
559

Kandidati i Nismës Socialdemokrate për kryetar të Prizrenit, Zafir Berisha, ka prezantuar 28 zotimet e tij për Prizrenin.

Berisha ka thënë se ndërtimi i “Portës Triumfale” në hyrje të Prizrenit do të ndërtohet për të kujtuar dëbimin e qytetarëve të Kosovës nga ushtria shoveniste e Serbisë.

Në mesin e zotimeve Berisha ka parashikuar edhe përfundimin e parkut të biznesit, ndërtimin e parkingjeve, zhbllokimin e tranzitit të ri, çështjen e ujit të pijes, përfundimin e pishinës olimpike, ndërtimin e teleferikut, e të tjera.

Si më poshtë i gjeni të gjitha zotimet e Zafir Berishës:

● Ndërtimi i “Portës Triumfale” në hyrje të Prizrenit nga drejtimi i Kukësit, për të kujtuar largimin e mbi 500,000 qytetarëve nga gjenocidi serb, kthimin e tyre dhe luftën titanike të UÇK -së, si dhe aleancën me NATO-n).
● Përfundimi i parkut të biznesit prej 84 hektarësh në zonën katastrale Korishë-Lubizhdë.
● Ndërtimi i poligonit për trajnimin e kandidatëve nga autoshkollat si dhe garat sportive në motorsport në zonën katastrale Gjonaj-Zym, në një sipërfaqe prej 3 hektarësh.
● Ndërtimi i dy parkingjeve në pjesën qendrore të qytetit, në përputhje me ligjin për Partneritet Publiko-Privat (përballë objektit të administratës komunale dhe në Marash).
● Ndërtimi i impiantit të ujërave të zeza në fshatin Nashec-Tupec.
● Zhbllokimi i transitit të ri dhe ndërtimi i rrugës që lidhet me daljen veriore të autostradës.
● Shtimi i kapaciteteve të ujit të pijes në qytet si dhe fshatrat: Zhur, Billushë, Hoçë e Qytetit, Vlashnje, Kobaj, Atmaxhë, etj.
● Hapja dhe rregullimi i rrugëve për të mbështetur
turizmin malor (Kabash, Pashtrik, Vërri dhe në
bjeshkët e Zhurit dhe Vërmicës).
● Ndërtimi i teleferikut (skiliftit) në kalanë e Prizrenit.
● Ndërtimi i rrugës që lidh lagjen “Bajram Curri” me fshatin Kobaj.
● Ndërtimi i rrugës nga Kulla e Hoçës në Poslisht.
● Ndërtimi i rrugës nga Billusha që lidhet me magjistralen Zhur-Dragash.
● Funksionalizimi i urës mbi lumbardh dhe hapjen e rrugës që lidh lagjen “Tusuz” me lagjen “Bajram Curri”.
● Ndërtimi i një ure që lidh Hasin me Anadrinin si dhe zgjerimi i rrugës nga Landovica deri në Krushe të Vogël.
● Rregullimi i rrjetit rrugor, vendosja e semaforëve në udhëkryqe si dhe pajisja e të gjitha rrugëve me sinjalistikë.
● Vendosja e ndriçimit në të gjitha rrugët e komunës, duke përdorur teknologji të reja dhe efikase në përputhje me standardet europiane.
● Vendosja e kamerave të sigurisë për të vëzhguar situatën e sigurisë në komunën e Prizrenit.
● Ndërtimi i shkollës së muzikës si dhe ndërtimi i
dy çerdheve dhe terreneve sportive në të gjitha shkollat.
● Aplikimi i shërbimit mjekësor stomatologjik në të gjitha shkollat e nivelit parauniversitar.
● Shërbim pedagogjiko-psikologjik në të gjitha shkollat e nivelit parauniversitar.
● Hartimi politikave dhe rishikimi i aktiviteteve në lëndën e edukatës fizike si dhe masovizimin e sportit në shkolla.
● Përfundimi i pishinës olimpike si dhe ndërtimi i një palestre të re sportive për të krijuar hapësira të mjaftueshme për sportet kolektive dhe individuale.
● Ndërtimi i një kompleksi të fushave të futbollit për organizime të turneve mbarëkombëtar.
● Ndërtimi i arenës në fshatin Lez, për organizimin e manifestimit tradicional ndërkombëtar në sportin mundjes (pehlivana).
● Eleminimi i të gjitha deponive të mbeturinave në komunën tonë.
● Shndërrimi i Prizrenit në një qytet ekologjik, duke krijuar një ndërmarrje publike (në përputhje me ligjin për vetëqeverisje lokale), e cila do të kujdeset vetëm për mirëmbajten dhe gjelbrimin e qytetit.
● Funksionalizimi i Shtëpisë së Kulturës në Zhur, Hoçë e Qytetit dhe Lubizhdë.
● Shërbime falas në transportin urban për pensionistë.

Leave a Reply