Kryetari i Prizrenit, Mytaher Haskuka, ka thënë se ka rënie të rasteve me coronavirus në këtë komunë.
Haskuka ka thënë në “Mëngjesi me Arben Ahmetin” në Kanal10 se, megjithatë kjo rënie e rasteve ndërlidhet me numrin e vogël të testeve.
“Sikur të bëheshin më shume teste, do të kishim shumë më shumë raste pozitive me Covid-19, jo vetëm në komunën e Prizrenit, por në gjithë Kosovën”, ka deklaruar i pari i Prizrenit.
Haskuka ka paralajmëruar fillimin e testeve serologjike në komunën e Prizrenit.
“Ne do t’i blejmë 5 mijë teste, por presim edhe nga Ministria e Shëndetësisë që të na furnizojë me disa të tjera”, ka shtuar ai.
