Kongresmeni demokrat Stephen Lynch, i cili ka marrë dy dyja dozat e vaksinës kundër COVID-19, rezultoi pozitiv pasditen e djeshme.
“Këtë pasdite Përfaqësuesi i SH.B.A. Stephen F. Lynch rezultoi pozitiv për COVID-19 pasi një anëtar i stafit në zyrën e Kongresmenit në Boston ishte testuar pozitivisht në fillim të javës,” tha zëdhënësi i kongresmenit.
Kongresmeni kishte marrë një dozë të dytë të vaksinës Pfizer dhe ishte testuar negativisht për Covid-19 përpara se të merrte pjesë në inaugurimin e Presidentit Joe Biden më 20 Janar, shkruan Cnn.
Vaksinat Covid-19 parandalojnë sëmundjen, por jo domosdoshmërisht parandalojnë infeksionin. Nëse dikush rezulton pozitiv dhe nuk sëmuret, vaksina ka funksionuar. Nëse dikush rezulton pozitiv brenda disa javësh nga marrja e dozës së dytë, kjo mund të jetë për shkak se vaksina nuk ka filluar ende të japë efektin. Qendrat Amerikane për Kontrollin dhe Parandalimin e Sëmundjeve deklaroi se fitimi i imunitetit ndaj Covid-19 “zakonisht zgjat disa javë” pas vaksinimit.