Përfaqësuesi i BE’së për dialogun Kosovë-Serbi, Mirosllav Lajcak kishte bërë një adresim pas përfundimit të takimit të së enjtes në mes të Hotit dhe Vucic, e të cilit i është kundërvyer, profesori anglez, James Ker-Lindsay, duke i thënë se çështja e dialogut ndërmjet Kosovës dhe Serbisë po shkon rrugës së Qipros.
James Ker-Lindsay, profesor në Shkollën për Ekonomi dhe Shkenca Politike të Londrës, i ka reaguar Mirosllav Lajcakut, rreth takimit të fundit në mes të Kosovës dhe Serbisë, duke i thënë se histori të tilla të vazhdimi i këtij ‘niveli të ulët’ të marrëveshjeve i ka parë edhe me herët.
Ai ia ka theksuar, Lajcakut se dialogu i tillë çfarë po proklamohet nga BE’ja, po merr formën e atij të Qipros.
Përderisa ka shtuar se një energji e tillë duhet të shpenzohet për një marrëveshje përfundimtare.
“Vazhdimi i marrëveshjeve ‘të nivelit të ulët’ është e vlefshme, por unë e kam parë më parë këtë histori. Serbia dhe Kosova me shpejtësi po kalojnë nëpër rrugën e Qipros. Harrojeni gjërat e vogla. Më shpesh sesa jo, në të vërtetë minon besimin. Më mirë të shpenzoni të njëjtën energji për një zgjidhje të përgjithshme”, ka shkruar Lindsay në një replikë me Mirosllav Lajcakun në Twitter.
Profesori nga Londra edhe me herët ka qenë i zëshëm, duke theksuar se mes Kosovës dhe Serbisë duhet një marrëveshje përfundimtare.
“Ju duhet një ujdi gjithëpërfshirëse, sepse në Qipro kanë provuar kështu, me disa masa të ndërtimit të besimit, por gjithmonë kanë pasur mosmarrëveshje.”, ka thënë Lindsay.
Ai ka kishte thënë se se është humbje kohe, ata po zhvillojnë dialog qe 50 vjet në Qipro, duke provuar me disa masa, por gjithmonë kanë pasur mosmarrëveshje.
“Unë e kam parë se çfarë ka ndodhur me dialogun në Qipro. Është humbje kohe, ata po zhvillojnë dialog qe 50 vjet. Juve ju duhet një marrëveshje përfundimtare. Ju duhet një ujdi gjithëpërfshirëse, sepse në Qipro kanë provuar kështu, me disa masa të ndërtimit të besimit, por gjithmonë kanë pasur mosmarrëveshje”, ka thënë Lindsay ditë më parë në një intervistë për rel.
Profesori nga Londra, James Ker-Lindsay, ka punuar për një kohë të gjatë në çështjet e konflikteve, njëri ndër rastet është Qiproja.
