Ka reaguar ish-Komandanti i UÇK-së në zonën e Prizrenit, Zafir Berisha, pas lajmit se Gjykata Speciale e ka ftuar ish-Kryeministrin e Kosovës, Agim Çeku, në cilësinë e të dyshuarit.
Berisha ka thënë se ftesa për Çekun është një vazhdimësi e përpjekjeve për të eksperimentuar edhe më tej me lirinë e Kosovës.
“Ftesa për Agim Çekun nga Gjykata Speciale si i dyshuar, por edhe luftetarëve të tjerë të UÇK-së, është një vazhdimësi e përpjekjeve për të eksperimentuar edhe me tej me lirin e Kosovës të fituar me shumë mund, sakrifica dhe gjakun e shumë gjenetatave!
Nese vërtet kjo gjykatë “dëshiron” t’i trajton ata që kontribuan dhe e sollën lirin popullit të shumëvuajtur të Kosovës, at’her duhet të ftohen të gjithë, Clinton, Tony Blair, Javeir Solana etj, për me kuptuar të vërtetën e madhe të lirisë së Kosovës.
Shumë vende nëpër botë, disa edhe në kontinentin e Evropës kanë probleme të brendëshme me shkeljen e të drejtave elementare të popujve (pakicave kombëtare), prandaj me vetëdije përfaqsuesit e tyre politik e institucional janë rreshtuar kundër suksesit të luftës së UÇK-së, e cila herët apo vonë ka me u marrur si model i suksesēshëm historik i luftës për liri.
Nga droja e këtij fakti të pakonteshtueshëm historik të UÇK-së, disa vende janë bërë pjesë e betejës poltike e diplomatike që përmes gjykatës së Hagës të njëllosin vlerat çlirimtare të UÇK-së, me iden për ta parandaluar modelin e suksesëshëm të kësaj lufte në vendet e tyre!
Serbia duke ditur se është fajtore për gjenocidin në Kosovë, me ndihmën e Rusis, duke përdorur një senator zvicerran (Dick Marty) dhe përfaqësues nga vende të ndryshme të Evropës arriti të miratoj një “Rezolutë” në Këshillin e Evropës, me fakte e dosje të fabrikuara nga shërbimet sekrete serbe dhe argatët e tyre në Kosovë për ta njëllosur luftën e UÇK-sē dhe bartësve të saj!
Idea e Serbis dhe mbështetësve të saj është që mundësishtë ta kriminalizoj luftën çlirimtare të UÇK-së, dhe ta barazoj me luftën gjenocidale që ka bërë vetë në Kosovë, për me mujtë pastaj me përfituar diçka nga humbja dhe goditja e madhe që ka marrur nga lufta e lavdishme e UÇK-së.
Fatkeqësia qëndron edhe në atë, se në vallen e mbetjeve sllavo-komuniste janë rreshtuar pa vetëdije edhe një numër i njerzëve të cilëve ju është “shpërlar truri” dhe po i shërbejn djallit në emër të gjoja “kontributit” që po e japin për Kosovë!
Dikush i financuar e me vetëdije, mision dhe qëllim, si dhe një pjesë e madhe pa vetëdije po qojnë ujë në mullirin e Serbis!!!”, ka thënë Berisha./04 Online
