62 vjeçari nga Malisheva që ndërroi jetë nga COVID-19, u trajtua në Spitalin e Prizrenit

0
90

Pak më parë është konfirmuar lajmi për vdekjen edhe të një qytetari nga komuna e Malishevës si pasojë e Covid-19. Bëhet fjalë për një 62 vjeçar, i cili ishte duke u trajtuar në Spitalin Rajonal të Prizrenit, në Klinikën e Pulomologjisë.

Lajmin për vdekjen e tij e ka konfirmuar për IndeksOnline, nënkryetari i kësaj komune Agim Berisha.

Ai ka thënë se e tëra që mund të thonë tani është se i ndjeri ishte i infektuar me Covid dhe po trajtohej nga institucionet shëndetësore në vend.

Se a ishte në pushime në Shqipëri, Berisha nuk dha një përgjigje të prerë.

“Po ka qenë duke u trajtuar, ndërsa sot fatkeqësisht ka humbur këtë betejë. Ne si Shtabë Emergjent nuk kemi ndonjë informacion zyrtar se a ishte apo jo për pushime në Shqipëri”, tha Berisha për IndeksOnline.

Ndryshe gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 401 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 239 raste pozitive.

Numri total i rasteve pozitive është 7.652 raste nga 35.121 persona të dyshimtë në virusin SARS-CoV-2, me gjithsej 192 raste të vdekjes të cilët kanë pasur sëmundje të tjera shoqëruese.

Leave a Reply